Juniorlaget reiser torsdag til Oslo for å møte Vålerenga i interkretskamp nummer to for sesongen. Vålerenga er regjerande meister, så det blir neppe nokon walk-over for valdrisane.

Vålerenga vann Interkretsserien sesongen 2012 etter å ha slege Oppsal på målstreken og målforskjellen. I år har laget spela ein kamp; det enda med 0-0 borte mot Follo.

Valdres stiller fullt lag til kampen, med unntak av Ådne Mogstad som har vore plaga med ryggen den siste tida. Henrik Fossholt kjem til å spela trass brot på ein finger. Trenar Audun Magnus Bakken erkjenner at Vålerenga borte er ei vanskeleg oppgåve, men langtfrå umogleg. - Vi reiser ikkje for å spele 0-0, seier Bakken.

For supportarar og andre interesserte er det høve til å følgje spelarbussen til Valle Hovin. Det kostar berre 100 kr. og bussen går frå vidaregåande på Leira kl. 14.00.