Det vart 2-2 då Valdres FK gjesta Årdal for den nest siste treningskampen i vinter. - Ein god og verdfull kamp for oss, seier Ole Skouboe, trass i at heimelaget greide å utlikne heilt på slutten.
Valdres brukte 15 spelarar mot tredjedivisjonslaget frå Sogn, og det var mange rokkeringar og mykje eksperimentering undervegs. Årdølene spelar fysisk tøff fotball, noko som ifølgje Skouboe passar fint i den fasen Valdres no er inne i.
Vi stilte med dette laget frå start:
Gonzalo
Rabben, Manuel, Karenstuen, Brekken
Pachu, Alonzo, Mac, Desmond
Neale, Høglien
Det stod 1-0 til Valdres ved halvtid, etter at Desmond hadde gitt oss leiinga etter 35 minutt.
Robert Rabben og "Mac" Laham gjekk ut i pausen. Inn kom Lars F. Brateng på høgre back, Manu gikk då fram på midtbanen og Henrik Fossholt kom inn som midtstoppar. Stig Karenstuen måtte ut med lyskeskade i andre omgang og vart då erstatta av Andreas Dyve.
Pachu ordna 2- 0 etter ein time, men årdølene ga ikkje opp og kunne setja inn utlikningsmålet på overtid. - Då hadde vi visst alt teke påskeferie, seier Ole Skouboe. Han er eller tilfreds med innstilling og innsats i kampen, og reknar med at gutane kjem at med ny motivasjon og energi etter påske.
Siste treningskamp går mot Kjelsås (2.div), på Hønefoss laurdag 6. april.
Årdal sitt kampreferat finn du her:
