Då fristen gjekk ut sundag var det 22 personar som hadde søkt stillinga som dagleg leiar i Valdres FK etter Jan Tore Vik (bildet). Lars Moe Westgård, dagleg leiar i Arbeidskaraft Valdres, seier at seks av dei er det særs interessant å gå vidare med.

Westgård fortel at det er søkarar både lokalt, regionalt, nasjonalt og internasjonalt. Blant dei er det personar som har hatt tilknytning både til Tippeligaen og Premier League. Westgård forsikrar oss at dei skal greie å finne ein absolutt toppkandidat blant dei seks. Intervjurunder foregår denne veka og den neste, og ei avgjersle vil bli teken føre jul.

Ein annan side av saka er at mange av kandidatane sit med jobbar der oppsigelsesfristen er ein eller tre månader. Det er difor usikkert når den nye leiaren faktisk kan starte i jobben.